Ел-Џуму'а
الجمعة
بِسْمِ اللَّهِ الرَّحْمَنِ الرَّحِيمِ
И она што е на небесата и она што е на Земјата - Аллаха го слави, Владарот, Светиот, Силниот и Мудриот!
Меѓу незнабошците Он испрати пејгамбер од нив: да им ги кажува ајетите Негови, и да ги очисти, и да ги поучи и во Книгата и во Мудроста, иако порано беа скршнати во заблуда очигледна!
И на други меѓу нив кои уште не им се приклучија... Он е Силен и Мудар!
Ете, тоа е добрината Аллахова што ја дава кому Он сака. Аллах е Поседник на добротијата неизмерна!
Примерот на оние кои го понесоа Теврат, а потоа го напуштија, е како примерот на магаре кое носи книги. Е, само колку е лош за луѓето народот кој ги сметаше за лажни ајтетите Аллахови! Аллах не го упатува народот зулумќарски!
Кажи: „О Евреи, ако замислувате дека сте пријатели на Аллах за разлика од другите луѓе, тогаш, посакајте ја смртта ако сте искрени!“
Никогаш не ќа ја посакуваат токму заради она што го направија рацете нивни. Аллах најдобро ги знае зулумќарите!
Кажи: „Смрта од која бегате... па, ќе ве стигне, навистина! Потоа ќе бидете вратени кон Зналецот на тајното и јавното, па така, ќе ве извести за она што работевте!“
О верници, кога ќе се повика на намаз во петок... па, побрзајте кон споменувањето на Аллах, и оставете ја купопродажбата. Ете, тоа е подобро за вас само да знаете!
А кога намазот ќе се изврши... па, растурете се по земјата и барајте од добрината Аллахова, и споменувајте го Аллаха, многу, за да бидете спасени!
А кога ќе видат нешто од трговијата или од веселба некаква, се расфрлаат и те оставаат, стојеќи. Кажи: „Нема добро кај Аллах ни од веселбата ни од трговијата. Аллах меѓу снабдувачите е најдобриот Снабдувач!“