Ел-Алек

Читај во името на Господарот твој кој создаде,

го создаде човекот од грушка на крв!

Читај, зашто Господарот твој, навистина, е Најблагороден,

кој поучува со перце:

го поучи човекот со она што не го знаеше.

Но, не! Човекот, навистина, се засилува

откога ќе види дека, секако, е во изобилије.

Кон Господарот твој, навистина, е враќањето!

Го виде ли оној кој му забранува

на робот намаз да изврши?

Го виде ли дека е по Патоказот,

или, пак, дека наредува богобојазливост?

Го виде ли дека лаже и дека плеќите ги врти?

Е, па, не знаеше ли дека Аллах, навистина, гледа?

Но, не! Ако не престане со тоа Ние, навистина, ќе го фатиме за чело,

за челото лажно и грешно!

Па, нека ја повика дружината своја,

а Ние ќе ги повикаме Зебаније!

Но, не! Ти не слушај го него, падни на сеџде и приближисе до Аллах!